Pait nga Amiga
Maldita daw ni siya pero di man sa akoa,
Di pud ko kaingon nga buotan kay tinuod man gyud sa uban,
Maldita sa ilaha apan para nako siya buotan.
Kini nga amiga hastang bakakona,
Kay sumala pa niya ako daw kay gwapa,
Unya nauna pa diay siya ug kahalin sa akoa.
Ingon pa siya nga ako daw utokan ug kaya gyud daw nako tanan,
Ug sa dihang mihilak ko sa iyang atubangan iya kong gikataw-an,
Kay iyang nasayran nga sa gugma raman diay ko malisang.
Matingala ko niya kay mura ni siya'g bombay,
Tagakita namo gapaningil kanunay,
Abi nimo'g unsa? Uyab ra man diay!
Sumala pa niya, siya gyud daw nabalaka,
Kay ang tuig kapila na nag-ilis ug ang uban kapila na nibalhin,
Unya ako nagpabilin gihapon nga wala mahalin.
Subay pa sa uban di daw mi suod,
Kay kami magka-istoryahanay panagsa ra gyud,
Apan kon ako ilang iduot, makiglalis ni siya dayon kalain sa buot.
Pait nga amiga apan tinud-anay,
Kay bisan pag magtalikdanay ug walay kitaay,
Ang salig sa usag-usa gapabilin kanunay.
No comments:
Post a Comment